Preguntas Frecuentes

-----|ESPACIADOR - NO BORRAR|-----

Onde podo obter información de a onde podeo ir en compañía do meu can?

Nesta web podes atopar información dos lugares onde serás benvido se vas na compañía do teu can. Se necesitas ampliar esta información, podes poñerte en contacto directamente cos establecementos ou municipios.

Podemos ir con can ás oficinas de turismo?

Na maioría das oficinas de turismo os cans son benvidos. Ten en conta que, excepto unha minoría, só abren en tempada alta.

Podemos visitar museos?

Por agora, poderedes visitar xuntos o Museo Etnográfico Monte Caxado. Recomendan poñerse antes en contacto por se teñen prevista algunha presentación.

Que documentación do meu can necesito levar sempre comigo?

O pasaporte, con información das vacinas e das desparasitacións.

En Galicia, é obrigatoria a vacina da rabia?

Non, por agora non é obrigatoria.

E a desparasitación?

Só é obrigatoria a desparasitación interna.

É obrigatorio levar seguro de responsabilidade civil?

O seguro de responsabilidade civil, neste momento e aquí en Galicia, só é obrigatorio para determinadas razas, aínda que é sempre recomendable telo. Ten en conta que, como titular, es responsable legal ante calquera dano ou afección que o teu can lles poida causar a outros animais, persoas ou cousas. Revisa as coberturas da túa póliza de fogar. É moi posible que xa teñas a responsabilidade civil do teu compañeiro canino incluída.

Coa nova lei, o noso can pode ir connosco a todas as partes?

Cada vez son máis os lugares onde nos poden acompañar, pero non a todos. É importante preguntar sempre.

En Ferrolterra hai praias caninas?

Si, en Ferrolterra temos praias caninas ás que poden ir todo o ano. Máis información aquí.

No verán só se pode ir ás praias caninas?

Non. Temos praias nas que poden gozar no verán fóra do horario de uso. Máis información aquí.

Pódese ir con cans á praia no inverno?

Si, á maioría das praias.

Por que algunhas praias teñen restricións especiais para ir con can?

Para axudar á conservación de hábitats catalogados por Patrimonio Natural como espazos de especial protección.

Por que uns cans si e o meu non?

O acceso dun animal de compañía está condicionado ao criterio do titular do establecemento, xa sexa público ou privado.

Porén, se falamos de cans de asistencia é distinto. A lexislación en Galicia garántelle a toda persoa que deba ir acompañada dun can de asistencia o seu dereito a acceder, deambular e permanecer con el en calquera lugar, establecemento ou transporte de uso público, con independencia da súa titularidade pública ou privada.

Os dereitos «extraordinarios» dos cans de asistencia han de respectarse cando están a asistir o seu usuario. Se viaxas en compañía dun can de asistencia, lembra levar sempre contigo a documentación.

Por que as reservas son "baixo petición"?

A lexislación deixa a criterio dos propietarios dos establecementos darlles a benvida ás persoas en compañía dos seus cans. Sempre é mellor preguntar e indicar se se vai ir cun só can ou con máis, o seu tamaño e se pertence a unha raza considerada potencialmente perigosa.

Algúns establecementos, por motivos de seguridade, teñen unha cota máxima de admisión de cans, tanto para garantir o seu propio benestar coma o doutros clientes.

Este contacto directo axuda a elixir as actividades ou establecementos máis adecuados aos nosos gustos e necesidades.

Poden cobrar suplemento por ir en compañía dun can?

O acceso e as condicións de acceso defíneas o titular do establecemento e, se o considera, pode cobrar un suplemento, a condición de que se trate dun can de compañía. Os cans de asistencia están exentos de calquera tipo de suplemento.

Por que nalgunhas zonas rurais se esixe que os cans vaian suxeitos con correa?

En Ferrolterra temos un gran patrimonio natural. Pedir que os cans vaian con correa ten como fin favorecer o coidado das especies e do hábitat catalogados como de especial protección. É importante cumprir todas as indicacións para evitar que poidan chegar a prohibir o seu acceso.

Que se entende por cans potencialmente perigosos?

Segundo a lexislación autonómica, considéranse cans potencialmente perigosos, ademais dos pertencentes a determinadas razas, os que polas súas características raciais poden ser aptos para o adestramento para a garda e defensa, os que tiveron algún episodio de agresións a persoas ou ataques de certa entidade a animais ou cousas, e tamén aqueles que manifesten un carácter marcadamente agresivo.

Que razas de cans se consideran en Galicia como potencialmente perigosas?

A lexislación autonómica cataloga como cans potencialmente perigosos os pertencentes ás seguintes razas: american stafforshire terrier, pit bull terrier, bullmastif, dobermann, dogo arxentino, dogo de Bordeus, dogo do Tíbet, fila brasileiro, mastín napolitano, presa canario, presa mallorquino (ca de bou), rottweiler, bull terrier, staffordshire bull terrier, tosa inu e akita inu.ca de bou), rottweiler, bull terrier, staffordshire bull terrier, tosa inu y akita inu.

Por que insistimos en consultar as condicións pet friendly directamente cos establecementos?

Porque, por exemplo, pode variar a normativa municipal e, con iso, as condicións de acceso.

E, sen dúbida, é a forma forma de gozar dunha experiencia positiva e evitar sorpresas desagradables.

Por que a diferenza entre Refuxios e Asociacións protectoras?

Porque, independentemente do importante labor que realizan as Asociacións para a protección e defensa dos animais de compañía, os Refuxios son os únicos centros autorizados pola Xunta de Galicia para a recollida de animais e xestión de adopcións legais.

Os Refuxios están inscritos no REGANUZ – Rexistro Galego de Núcleos Zoolóxicos – e teñen un número de rexistro público e único que os identifica.